Praixku artzaya abeslari
Abarrategi
1
Ego aldeko aize gorria
firik-firik eta legun,
irrixtuetan bultza egiñaz
atzo eta eranegun;
bere atzetik agerturikan
jarriyaz kopeta illun,
billa dabiltza oju eginaz
maisu bat aldagon iñun.
2
Ederki daude gizonarentzat
orlako eskubidiak.
zerbaitengatik jarri ziraden
beretzat eskubidiak;
ikastetxiak nai dituztela
lenguak baño obiak,
xaltxa oriyek obeto daude
beren etxetan gordiak.
3
Esaten dute nik ez dakit zer
izen bat daukan jartzeko
erririk erri piper saltzalle
dabillen bat ekartzeko;
mutil txikiak goiko mallara
beriala igotzeko,
eta noizik bein beren aurrean
kitarra ondo jotzeko.
4
Ez dak tela askok diyote
zer gertatzen dan oyekiñ,
elizarentzat areriyuak
beti diran gorriyekiñ;
gure aurrean ikusten dira
gorroto aundiyenakiñ,
nola dabiltzan Euskal-erriyan
bertako euskaldunakiñ.
5
Ezagun dira emen oyekiñ
gertatu diran kaltiak
jolas tokiak txukun zeudenak
gaur dira zikiñ tartiak;
¿zer baliyo du gorbetarekiñ
toki onera juatiak
gorriyentzako gero ixilik
zabaltzekotan atiak?
6
Esku batian naitasun ona
bestian gorrikeriyak,
oyek dirade euskaldunentzat
zarpatzu zitalkeriyak;
galtza dituan gizonarentzat
ez dira gizonkeriyak,
baizik txikitan egiten diran
jolas ta umekeriyak.
7
Esna daudenak beren erriyan.
lore politak dauzkate,
mutiltxoeri jolas tokiyak
zikiñez bete dizkate;
beti bezela aize gorria
berayen alde daukate,
esan oi dana «itxu erriyan
begi bakarra alkate».
8
Eskola zale ederrak dira
ortan dabiltzan gizonak,
laguntasuna alde batera
eta bestera itz onak;
dirudiyela Ebroz arunzko
galtza labur piperdunak,
eziñ lezake esan diranik
gure anai euskaldunak.
9
¿Ez aldakite ikastoletan
dirala jolastokiyak,
mutiltxoentzat beste erritan
garbi eta egokiyak?
¿eta zergatik ikusten dira
emen aldrebeskeriyak,
nazkagarriyak dirudiyela
bertako zikiñkeriyak?
10
Esanak daude sarri askotan
ludi onetan egiyak
ikusirikan iñoren onak
erretzen ditu begiyak;
gure artean orrelakuak
ez dira gaurko berriyak,
lenago ere ikusi ditu
ainbeste Euskal-erriyak.
