Mundu hontara ekarri nitun
Mundu hontara ekarri nitun
nik e bost seme-alaba
txiki zirela haiek hazitzen
izan nuen nahiko traba
batzutan zuten negar marraska
hurrena berriz algara
bi sentimendu nahasian ditut
eta zein diraden hara!
haurrak hazitan zoriona ta
bakardadean ikara
Etxetik ospa joanak zaizkit
ez al da nahiko desditxa
nik egin nien beti kabia
geldi zitezken eskeintza
bakardadea datorkit orain
gogorra eta bortitza
halare nere semeen kontra
ez det aterako hitza
nik konformatu beharra daukat
holakoa da bizitza
Oraintsu joan da nere etxetik
ia bostgarren anaia
neure bizitza neuk bakarrikan
beharko det garraia
nonbait kanpoan hartua dute
berritasunan usaia
nere bizitza eraberritzen
beharko det orain saia
ondo pentsatuz bazen oraintxe
aldegiteko garaia
Andoni Egaņa
