Leiho ertzetik entzun dezaket
Egaņa, A.
Leiho ertzetik entzun dezaket
itsasoaren indarra,
olatu pila nola lehertzen dan
braust eta braust barra-barra:
pentsatze hutsak begietara
ekartzen didan negarra,
momentu triste xamarra,
eskegi nuen txamarra (bis).
Ni bezalako gizon batentzat
ez ote da zoritxarra,
itsasoa hain hurbil izanda
ohean egon beharra.
Sentimenduak loratzen zaizkit
itsasuntzien irteran
arraiz beteta datozenean
bapore horien sarreran;
ez dakit ziur nere barruko
grina normala ote dan...
ez naiz aurkitzen primeran,
bertan nahiago aukeran (bis).
Hementxe nago itsas zabala
begiz ikusteko eran;
zenbat gorrot nuen lehen eta
orain zenat maite dedan!
