Unamuno'ri
Echezarreta, Jose
1
Zure desiua ala
izanagatik, Migel,
gaur ezin biartu leike
amorrairik igel,
naiz zuk kopeta jarri
illun edo goibel,
euskadunak badegu
edozeñek ainbat gibel.
2
Orain ematen dizut
beste abisua
gizon jakintsua izatia
ezta prezisua;
zu izan baziña gure
eskola maisuba,
gaur toki onian zegon
gure euskera gaisua.
3
Zure desiua dala
agonian dona iltzia,
gerta leike zerorrire
larri ibiltzia
lotsa eman biar luke
gauz'au aitatzia;
¡Ori da euskaldunak
alkar maitatzia!
4
Euskaldunak ez degula
alkar konprenditzen,
ez zu baño leyalagoik
ez bada etorritzen;
gauden bezela erotiak
ez nau ni arritzen,
maisubak laguntza oberik
ez badu jarritzen.
5
Zu jaiotako erriko
zelai ta basuak
ez dituzu zenbaitek
beziñ gogotsuak;
zu mundu ontara ekarri
tako gurasuak
komeni bada gora ditzala
zeruko usai gozuak.
6
Ibilli izan baziña
umil edo noble
gaur zerrori bear zenduban
Kantabriyan jabe;
Euskal-erriyan jayotako
aberats ta pobre
alkar lagundutzia
ez aldegu obe?
7
Ezin logratu dezu
desio dezuna
nik orain esango dizut
komeni zaizuna
txarkeriyai utzi ta
artu ontasuna
danok izandezagun
alkar naitasuna.
8
Migel, ¿zertako daukazu
gugana tirriya?
Ezta errez zenbat gizon
artutzen neurriya;
zuk aitortu nai ezdezulako
zere jatorriya,
¿lurperatu nai aldegu
gure Euskal-erriya?
9
Bestek esanda etzuben
sinistuko aldian
¿zertako asi neronek
ikusiyan galdian?
Amak edukitakuak
bere sabelian
zenbat olako ote gera
mundu zabalian!
10
Zerez azkarra zerala
jakintsu abilla,
bañan topatzen dizut
alderdi bat debilla;
zuri gustua egiten
dago nunbait zalla,
gaur Euskal-errira ez etorri
tonto askon billa.
11
Itz birekin ezta pagatzen
lan egite galestiya
gure inbiriz biziela
gaur mundu guztiya;
lenengo aitzera ematera
etorritako egaztiya
len usua zan eta
orain Donostiya.
12
Zu guri kontra egiten
etzera asiberriya,
Otaño zanen paperetan
nayo irakurriya;
nik ez det ukatuko
nere jatorriya,
or konpon zaitez, Migel,
¡biba Euskal-erriya!
|