Ezkontzeko kontsulta
1
Ezkonduak, errazue ezkonduren nizanez?
Bazerretan ikasten tut ezkonduak nigarrez...
Hutsik eginen othe daut hola-hola egonez?
-Hartzen baduk ederra,
Hura dukek alferra;
Hartzen baduk gorria,
Hura dukek ordia;
Hartzen baduk churia,
Hura beraz eria...
Ezkonduak ezkondurik egon zaizte nigarrez,
Eskerrak ditut Jaunari, hola hola egonez!
2
Ezkonduak, errazue espos onik badenetz!
Bazterretan aditzen tut doluturik auhenez...
Eskas handia duketa hola hola egonez!
-Hartzen baduk ferdea,
Oi zer zorte trichtea!
Hartzen baduk horia,
Hiren zeraik choria;
Hartzen baduk bel-beltza,
Adio hire bihotza...
Ezkonduak ezkondurik egon zaizte auhenez,
Eskerrak ditut Jaunari, hola hola egonez!
3
Ezkonduak, errazue kontent zaizten bai al'ez?
Bazterretan orhoit dira beren gazte denborez...
Ez data miletan hobe, hola-hola egonez?
- Hartzen baduk arina,
Bertzen dukek egina;
Hartzen baduk tontoa,
Galduko duk gogoa,
Hartzen baduk abila
Harek dikek makila...
Ezkonduak ezkondurik egon zaizte mil'urtez,
Eskerrak ditut Jaunari, hola hola egonez.