|
Etxe-sartzea
Gurdi-erdian kutxa aurrean ardatza,
ta lilai muturrean amuko mataza.
Gurdi atzean suilla ta tupiki pertza;
ogekoz edertzen da gurdiaren ertza.
***
Lelo, eztaiak, lelo
Birgiņa Amarekin!
Toberak jo ditzagun
ordu onarekin:
ordu onarekin ta
Birgiņa Amarekin.
***
Kopla dezagun lenik
emazte berria;
etxeak dion eran
"eder" du "gerria";
artazuriketan du
izena jarria.
***
Olako etxe onak
onelako Jauna:
olako emazteak
olako gizona:
ba dirudi zeruak
eman ondasuna.
|
