Etsipena Atsulai-ko Amaren oinetan
1
Mendiak bethe hedoiez,
Oihan errekak daude beltz:
Begiak altxatzen ditut: zeruetan izar mat ez!
Nihon ez duket gozorik, ilhun bainago bihotzez.
2
Enetzat ez da egunik,
Nihoiz ere iguzkirik!
Ez hila, eta halere hobian nago bizirik;
Ez, enetzat gehiago zeruak ez du argirik!
3
Habil, habilkit, bizia!
Urrunt adi, gezurtia!
Atseginak agindu-ta, minez bethe nauk guzia;
Habil, utzak, utz, gorphutz hau orotarik biluzia!
4
Lore guziak arrantze,
Uki guziak oinhaze!...
Ni naiz ama ganik sorthu jasaiteko hunenbertze?
Ez da enetzat izanen ez ganbio, ez eztitze...
5
Atsulai mendi guinean,
Iguzki eder denean,
Kapera bat ageri du bi harri beltzen artean;
Elhurra ez zen hain xuri gan den negu-bihotzean.
6
Boz bat ethorri zait handik,
Gabaz lo nindagolarik;
Entzun ez dut behin ere hain kantu xarmagarririk:
Ene bihotza pilpiraz gelditu da zoraturik.
7
- Nor da niri mintzo dena?
Eztiki deitzen nauena?
- Ni naiz, minen gozatzaile, Arrantze gaineko Ama!
Oi haur inkoniatua, laster egizu ni gana...
8
- Zeru goratik lurrera,
Arrantze baten gainera,
Gure Ama guziz ona, bihotz ezti, bihotz bera,
Zu zure jautsi zarena gizonen kontsolatzera.
9
Hemen naiz zure oinetan,
Dena nigar uharretan;
Ama ona, har nezazu othoi urrikalmendutan;
Gaixtaginen asperrari gorde zure besoetan...