Erramun Martikorena adixkideari
1
Kantuz sortua zinen kantutan hiltzeko
Zure izpiritua baita hortarako
Presentzi sanoa ta boza ederrago
Zu kantuz aditzean pozez ni bainago!
2
Zure biziko lana mendi kaskoetan
Ardien inguruan kantuz errepikan
Bozaren oihartzuna entzuten orotan
Hegaztinek zaituzte laguntzen airetan
3
Daramazun bizia ez da alegia
Urusago ez baita nehon erregia
Duzun libertatia xakurra ta biak
Lagun fidelagorik, ez ditaike mia!
4
Kanta zazu aintzina herriko plazetan
Gazteak ikas detzan hitzak kantuetan
Halaber errepika igandez mezetan
Zure boza hegalda dadin zeruetan!
5
Guzien bihotzeko Erramun maitea
Errexiñol bat zira, dena bertutea
Gaurtik egin dezagun Jaunari galdea
Luzaz izan zitezen, kantu sortzailea!