Eriak Mariari
1
Kantore berri batzu nahit tut paratu
Birjina Maria zuri adrezatu
Denboraren buruan baitut ezagutu
Eta konfidantzia zure baitan hartu
Zuk beharko nauzu orai fagoratu
Bihotzez lagundu,
Sukar lanjeros batek bainau sesitu.
2
Ikusgarria nintzen urriaren bian
Erreberietan sartu nintzanian
Oihuka ari nintzen hasarre haudian
Herioaren kontra zaparta gorrian
Nihaur agonian, ait'amak aldean
Nigarra begian,
Noiz partituko nintzen zauden guardian.
3
Andre dena Maria Birjina garbia
Ez naiza bada ni urrikalgarria
Bi hilabete huntan ohean jarria
Nihor izaitekotan legezko eria
Gaitza dut handia, dens malezia
Oi! ezin bertzia
Begien bixtan dut esperientzia.
4
Eskerrak zor deraitzut oraiko aldian
Zeren utzi nauzun gure familian
Ikaran egona naiz eritasunian
Beldurrez eta parti memento berian
Orai azkenian plazeren erdian
Trankil bihotzian,
Munduan gelditzen naiz osagarrian.
5
Andre dena Maria, ez naiz satifatzen
Nun ez zaitudan bozkarioz laudatzen
Zuk egin fagoretaz bainaiz probetxatzen
Bihotz onez guziez eremersiatzen
Ez zait ez ahanzten ez eta eginen
Azken fina zer den,
Oren lazgarri horrek bainau lotsatzen.