Ene maite Maria
1
Zein eder den arratsean
Izar-arte garbia,
Ipharretik agertzean
Mariñelen argia!
Bai handizki eder dago
Zeru-zola handia!...
Zu miletan ederrago,
Ene maite Maria!
2
Izarrak dire zeruko
Aingeruen begiak
Gizonen begiratzeko
Jainkoak ezarriak;
Zu bixtarat agertzean
Histuz bere argia,
Sartzen dire ilhunpean,
Ene maite Maria!
3
Ez du hain lakhet izarrak
Egon-leku berea,
Primaderan ez erleak
Baratzeko lorea,
Ez du hala argi-albak
Loriatzen xoria,
Nola ni zu ikhusteak,
Ene maite Maria!
4
Maria, zure aldera
Hurbildu bezain sarri,
«Maite zaitut» erratera
Ez naiteke atrebi:
Pilpira bat hihotzean
Beldur bainaiz abia,
«Maite zaitut» erratean,
Ene maite Maria!
5
Balinbadut Jainkoaren
Maitatzeko dretxoa,
Nola nik ez dut izanen
Zure maitatzekoa?
Zu zare ene bidean
Jainkoak ezarria
Ez samur nik erratean
«Maite zaitut», Maria!
6
Maria, ni naiz mintzatu;
0M zu mintza zaite.
Zuk ni nauzun erradazu
Nik zu bezala maite!
Zu enea, ni zurea,
Higatzeko bizia,
Laiteke eue xedea,
Ene maite Maria!
|