Elgarrekin batasunean
1
Airea "Dama gazte xarmant bat",
Toki pollit batian da hem osoa,
Mendi xola altxoan, iduri basoa.
Larrazkenian hemen, laketzen ursoa,
Euskal herri lore bat dago Luhosoa
2
Urso hoien ondotik zenbat ihiztari
Hango tiro panpakor, ez gaitezen harri;
Urso gaixoek berek eiten dute irri:
"Entzun zak tiro hori..." erranez elgarri.
3
Eiherako errekan, badugu arraina,
Hamahiru libera pizu dituena,
Arrainizalea frangok haztatu duena,
Bai Luhoso guzia aseko duena.
4
Muslari kartsu batzuk jokoa trixtea:
"Oraiko kartekilan, ez zukek atera..."
Peningarria baita horien zortea,
Hautatu dute zonbait trago edatea
5
Luhoson, eder dago bai pilota plaza
Pilotaria baita Luhostar arraza
Pilotaria ere Herriko Apeza:
Zer partidak, oraino oginen segura!
6
Egun, hemen girade gur'Apezarekin,
Mahain huntan bilduak gur'adixkidekin;
Bilduren gira beti ainitz plazerekin
Hirugarren adina: Biba Elganekin!
7
ELGARREKIN deitua gure Batasuna
ELGARREKIN bakean, oi zer ontasuna!
ELGARREKIN atxikiz denek Maitasuna
ELGARREKIN moldatuz guti, anaitasuna.