Urguluaren kontra
D.B. (Ezpeletarra)
1
Kantatzerat nohazu, pena bihotzean,
Izar batek utzirik, nigarra begian:
Charmantagorik etzen mundu zabalean:
Urguluak hatcheman eguna artean.
2
Bertsu hauk eman ditut nechkatchen gainean,
Harrigarri delakotz, gaurko egunean,
Arrunt andereturik, ai zer furfurian!
Holako printzesarik nun dago mundian?
3
Hauen gostuko orai hirian hobeki;
Lan gutiago eta erregina bezti;
Muthil gaztia ere hautaka ibilki;
Zer behar da gehiago? Badaukate aski!
4
Etchetik johan dire buruan harturik:
«Hirian untsa dituk, ez diat dudarik,
Laborantzan artzeko lanak lotsatzen nik
Alfer biziko nie untsa pagaturik!»
5
Ezagutzen ditugu neska eskualdunak,
Urthe guzia sehi egonki direnak:
Egun guziz kurrituz bal eta zinemak;
Zapeten erosteko sosa eman amak...
6
Etcherat heldu dira, hirian egonik;
Amerika akelan, fortuna eginik;
Ezkontzeko ideian balute gizonik;
Ez dute atzemaiten nahi luketenik.
7
Egia erraiteko, hau da testamenta:
Irringarri dirare zombait ikusi ta.
Galtzak soinian emanik, ahuan zigarreta;
Laborantzan hartzeko hau zer errementa!
8
Ene ustez segurik emana dut kondu;
Badut aki erranik, orai ichil ordu.
Deneri galdatzen dut otoi barkamendu;
Ez dezaten nehok har erranez afruntu.