Zeru-lurrak eskuz-esku

Dorre, Beñat

 1

 Eguna agertu da,

 eskerrak Jainkoari;

 lana orotan alha,

 eskerrak gizonari.

 Gau goxoa heldu da,

 eskerrak Jainkoari,

 gizonaren onetan.

 2

 Eraintzak egin dire,

 eskerrak gizonari;

 Uzta joriak ontu,

 eskerrak Jainkoari;

 Ogia partikatu,

 eskerrak gizonari,

 Jainkoa sustatzale.

 3

 Gizona otso zaio

 usu haurrideari ;

 Jainkoak gurutzea

 jasan gure ordari.

 Gizonak gudu amets,

 odol ixuri nahi,

 Jainko manuen kontra.

 4

 Zauriak lotzen dire,

 eskerrak gizonari;

 Hatsa berriz hazkartzen,

 eskerrak Jainkoari.

 Bakea jiten balitz,

 eskerrak gizonari,

 Jainkoa laguntzale.

 5

 Amodio kartsu bat

 jin zaio gizonari;

 Irauten balinbadu,

 eskerrak Jainkoari;

 Bizia sortzen bada,

 eskerrak gizonari,

 Jaunaren lagunari.