Ondarroatik...

Diharce, Jean Marie (Xabier Diharce, Iratzeder)

 1

 I Ondarroatik Baionaraino irrintzinaren luzea!

 Aipatu dute Burgos-ko jaunek eskual-gazte bat hiltzea.

 Eskualdunentzat gau huntan ezta deus mendi eta deus muga:

 Denek bihotz bat otoizka dugu zaintzen Arrizabalaga.

 2

 Ama guziek seme dute gaur Ondarroako gaztea;

 Ezin lokartu gaztek dute gaur hartaz gau-loa betea.

 Erdal-uhainak Eskualdun horri oldartu zaizko zafraka:

 Eskuaraz hura gogor egon da, zinezko itsas-harroka.

 3

 Batzuek omen herraz diote: odola behar dugula,

 Eskual-Herria salba dezaken aberrizalen odola.

 Odolak eztu, gora diot nik, otoitzak duen ahala:

 Otoitz-indarrak eginen gaitu ezin-hil Kristo bezala.

 4

 Ez dute bertzek, erdaldun jaunek, galduko Eskual-Herria;

 Gure baitan da hiltzen gaituen erdaratze gal-garria.

 Baginu denek Andonik duen eskual-sineste argia,

 Ager laiteke guzien gatik argi-zabaltze berria.

 5

 Andonik badu anai bat fraide; biak dena kar dabiltza:

 Kristo baitako bien pairuak, Herria salba dezala.

 Gaur Andoni-ren minetik, Jauna, har odolaren otoitza;

 Jesu-Mari-ren min ixiletik har otoitzaren odola.