Mendietako euskal-ibaiak
Diharce, Jean Marie (Xabier Diharce, Iratzeder)
1
Mendietako euskal-ibaiak
batetaratu ondoan,
Baionan dire trumilka sartzen
Goikoaren itsasoan.
Hor dago xutik uren artean,
zubi ondoko gainttoan,
Hor dago sutan Kardinalea
kurutze gaitza besoan.
Iragan diren
Mendetan bezala
Herriko gazten
Sineste zabala,
Gaindika doala.
2
Zure besoa zergatik ote
itsas-alderat ez luza,
Bizi zineno baitzoakizun
herritik urrun bihotza...
Orai, nik uste, bertze mundutik,
hor zaude nahiz gu mintza,
Guk epeltzerat ez dezagun utz
aintzinekoen kar gaitza.