Aitatxi, urte on!

Diharce, Jean Marie (Xabier Diharce, Iratzeder)

 1

 Aitatxi, ez otoi egon

 gela xokoan

 histua eta mindua:

 zoin fite doan

 urtearekin mundua.

 2

 Une on! ez ilun egon.

 Ez erran: «Zertako naiz on?».

 Ez egon beti

 Kadiran dena orroit-min;

 hemendik goiti

 ezin duzula deus egin.

 3

 Urte on! Urte berri on!

 Larogoi ta lau urtekin

 udazken huntan

 ibilki zinen ihizin

 etzen gaztetan

 nihor zoanik hain arin.

 4

 Aitatxi, otoi! ez etsi.

 Usorik ez da etxolan

 aurten agertu...

 Horrek xifritu baitzaitu,

 negu hotzean

 bet-betan zare kraskatu.

 5

 Ihizin hoin zinen arin.

 Usorik Larrun errekan

 etzen ageri...

 Hau zenbatago mingarri,

 Gure karrikan

 euskaraz haurrik ez ari.

 6

 Galtzera doa euskara.

 Eskolan hasi baiginen

 euskara galtzen,

 ez ote zare orroitzen

 nola zinuen

 «Euskaraz!» oihu egiten.

 7

 Orai su ez ote duzu?

 Lehengo zure su hartaz

 horrek zaitzaia

 gela xokotik pitz-araz

 lehen bezala

 oihu egizu: «euskaraz!»

 8

 Euskaraz, denek euskaraz!

 Aitatxi, urte berri on!

 Hau urte berri!

 Huna nun heldu zaizkion

 Euskal-lurrari

 usoak eta zorion.

 9

 Urtsoak, euskal urtsoak.

 Usorik aurten etxolan

 Etzgn ageri...

 Entzun gaur ikastoletan

 entzun kantari

 haurrak, usoak iduri.

 Tiruri, euskal-kantari.

 10

 Aitatxi, prai lo egin

 irri-kuluxkan.

 Eta maiz amatxirekin

 otoitz-kalaken

 gu lagunt euskal borrokan..

 Une on! Urte berri on!