Tonto-Pilatusi bi kobla

Ibarrart, P.

 1

 Eztei ederra... Eskual Herrian

 Izan ditugu  autirian,

 Bozkariorik handienian

 Bai ahidiak gutaratzian,

 Adichkidekin bat egina,

 Zoriona zen gure artian.

 2

 Nahiz ez ginen handietarik

 Espos ekhien bi alderatik,

 Ginen Eskualdun garbietarik:

 Chapeldun handi, jaun hirritarrik

 Ethorri, zauku batto bakarrik,

 Itultzekotan gu choraturik.

 3

 Udako bero garbienian

 Nola erlia loretegian,

 Jaun hura zagun gure erdian;

 Gu oro ichi, mintzo zenian;

 Saindu iduri hastapenian.

 Satan ttipi bat zen azkenian.

 4

 Jaun handi hunen jakitatea

 Da koro dunen laidostatzia,

 Jainkoa baitan ez sinhestia:

 Mundu hau eta gu egitia,

 Ez deusetarik gauzen hastia,

 Hunen ustez eta oi suertia

 5

 Erran du: «Ez da botheretsurik,

 Gizona baino gorago denik,

 Huni gaztizu, eman dionik,

 Ez zorionik, ez zorigaitzik,

 Ez arimarik behechten denik.

 Denak akabo hilez geroztik»

 6

 Jaun zuhur gisa baitzen mintzatzen,

 Gazte gaichoek zuten sinesten

 Ustez egiez argitua zen:

 Etzen ez gaizki irriz asetzen,

 Harren gezurra etzela galtzen,

 Leku onian zuela saltzen.

 7

 Mendi gaineko Piarres ttipi.

 Beldurrik gabe zitzaion jeiki

 «Ichil zaite hor, ez mintza gaizki.

 «Arras tontoak gauztatzu naski:

 «Abila zira bainaiz ez aski,

 «Tontoak ere zerbait badaki.

 8

 «Huna ollo bat mahain gainian:

 «Arroltzia zen ollo azpian,

 «Gero chitan sortu zenian!

 «Arroltzerik ez mundu hastian

 «Lehen ollo-ak errun artian:

 «Nork du lehena eman mundian?»

 9

 «Nungo gizonak deraut erranen:

 «Geik gabe dut lana eginen,

 «Azirik gabe sor araziren?

 «Mundu hastian azirik etzen:

 «Lehen bihia nork eman zuen?

 «Hots, erradazu, Jainko bat baden?

 10

 «Begira zazu iguzkiari.

 «Gau ederreko ilhargiari,

 «Gau zarratu argienari

 «Nungo gizonak dit ezarri

 «Jarraik arazten tenoriari?

 «Hots erradazu nor den gidari?»

 11

 Jasan handi hura hasi zen kantuz,

 Deus gehiago ezin asmatuz,

 Mustachak eskuz bihurdikatuz;

 Behin erranak gero ukatuz

 Bere burua ezin salbatuz,

 Hura zen hura tonto-pitatus.

 12

 Pilhatuz horrek badu bai lagun,

 Mila batian sei zazpi ehun.

 Hek utz ditzagun ahalaz urrun

 Gu Eskualdunak gauden fededun

 Jainkoa othoiz gau eta egun

 Gero zerua goza dezagun.