Hormonen balada

Davant, Jean Louis

 1

 Aratxea naiz, jan egiten dut

 Egun guztiez bi-hiru orduz (1)

 Jan erraiten dut, bainan egiaz

 Edaten, eta noren titia?

 Ez zoritxarrez amattorena

 Baizik hotz-hotza beti kaotzoa

 Petrolarena baitu gozoa

 Ez d'atsegina horren orena,

 Saltsa berean emaiten dizkit (4)

 Ura, irina eta bormonak.

 Ene desplazer hortan ez dakit

 Zer plazer duen debru gizonak.

 2

 Langilea naiz, tan egiten dut

 Egun guztiez zortzi bat orduz, (2)

 Eta gainera bide luzea

 Jasan behar dut goiz-arrats oroz.

 Hain da kario aurten bizia

 Et' aragia ja ezin eros.

 Laborariak ez du bazterrik,

 Berri gaiztoa egun datorkit,

 Xahalak ditu hantzen hormonaz,

 Ez baigenuen beste beharrik.

 Ene desplazer hortan ez dakit

 Zer plazer duen debru gizonak.

 3

 Laborari naiz, tan egiten dut

 Egun guztiez hamaika orduz.(3)

 Irabazia hain dut urria,

 Ez baitut biitzen gure guria (4)

 Eta hementxe nago ke ta suz

 Ene xahala ezin bidalduz.

 Berrikarien gaiztakeria

 Edo auzoen astakeria

 Jasan behar dut, eni datorkit:

 Guztiak mintzo dira hormonaz.

 Ene desplazer hortan ez dakit

 Zer plazer duen debru gizonak.

 4

 Igortze: Urrezko xahal poteretsua,

 Doblezka zara Jainko faltsua,

 Paper hutsezko bilakatua

 Eta gezurrez beti hantua.

 Debaldetan du bai zoriona

 Zutan bilatzen gaizo gizonak.

 5

 Itzultze: Irabazia kentzen digute,

 Andeatzea zaie bertute,

 Hortan bilatuz gure izana

 Nola zakurrak bere buztana,

 Beti haboro ari behar da...

 Ez! Beste zerbait egin behar da!