Departamentia

Davant, J.L.

 DENER:

 Abertzale bortitz, frantzes bürü gogor

 Algarren etsaiak izana gatikan

 Jente hanitx dira üsü algarrekin

 Oro estakürü, zentzü honari gor

 Xede horren kontre ariko güdükan

 Batek dela güti, bestek soberakin

 Dela interesak, bai sendimentiak

 Bazter üzten eüskal departamentia.

 ABERTZALEER:

 Departamentia ez da miraküilü

 Baina bagünüke horrekin akülü

 Xorrotxago zerbait gure haitetsien

 Eta bereziki eüskal kontzientzien

 Goiti pusatzeko arteko bidean:

 Gühau ezin egon beti, haurrideak!

 Gütiz badüt üzten departamentia

 Non düket büria, non zühürtzia?

 BURU GOGORRER:

 Zure amodioaz, Ama, gabetürik

 Xiberoa beste probintzietarik

 Nahi balin badüt betiko berexi

 Zertan düt eüskaldün izena merexi?

 Baiona hürrüntxe, Paue hor dügüla

 Estakürü merke, arrazo ahüla:

 Sobera bazaikü departamentia

 Non dügü bihotza, non sendimentia?

 BERRIZ DENER,

 IGORTE:

 Gogoz frantximantak dira jaunkillotak!

 Beste oro zütan arren bedi jünta

 Zeren zühürtzia, bai sendimentia

 Zure alde tützü, departamentia.

 Eta zurekilan gaiza bat segürra

 Maulen berriz behar da suprefetüra.