Demokrazia gaztea

Davant, Jean Louis

 1

 Demokrazia gaztea

 Espainian omen baitute,

 Haren bakarrik uztea

 Iparrari ez bertute.

 Muga zabal dezaiogun,

 Baina zu kontuz, Euskaldun

 Zetabean hain zikina

 Zaude nola nikotina.

 Euskaditik Euskadira,

 Xuri behar aztaparra!

 2

 Turisma ipar aldean

 Ogibide hein batean.

 Kosta, baserri, mendiak

 Guztientzat bilgarriak.

 Auzokoa deit dezagun,

 Baina zu kontuz, Euskaldun

 Ez bazara gar'irina

 Zetabean bezain fina,

 Ez otoi ager mugara,

 Joanen zara pikutara!

 3

 Europaren batasuna

 Gure helburu kuttuna.

 Muga horri denek tiro,

 Harremanak oro libro,

 Axuriak sal ditzagun,

 Baina ez zuri, Euskaldun,

 Aire dirua pozoina

 Baita nola kokaina,

 Ez otoi jin erostera,

 Hutsik itzuliren zara!

 Igortze

 Euskal-Herrian batasun

 Egilea, mugazaina.

 Denek dukegu higuina

 Euskaditik Euskadira

 Demarkaziñoko marra!