Arra-Haurren balada

Davant, Jean Louis

 1

 Hilerrian ezur xehe,

 Lili bako errauts mehe,

 Leinuru arrai batetik

 Iñarka dirdiraturik,

 Arra-haurrak xintxo gaude,

 Ukan dezazuen pindar,

 Bide-berri, auto eder,

 Zuen gatik hemen gaude.

 Denen aldi date bihar

 Beti fidatuz haundier.

 2

 Erran zuten: kontsumoa

 Doblatzeko, petrolean

 Ez dukegu nahikoa.

 Nuklearraren oldean

 Urrez Jainkoturik daude,

 Gure suaz dena izar,

 Eguzkia bezain eder,

 Eta gu errerik gaude.

 Zuen aldi date bihar

 Beti fidatuz haundier!

 3

 Zertarako doble tripa,

 Etxe, bide, auto, pipa?

 Hilen gaitu ezin janak.

 Ongi zatit ontasunak:

 Besteak han gose daude.

 Eguzki, haize, ur, indar

 Bil ditzagun  mila bider:

 Hola gu hilik ez gaude.

 Bizi nahi dena bihar

 Ez bedi fida haundier!

 Arrapika (leloa):

 Oi nuklear, oi nuklear,

 Debru txarren tronu eder,

 Babel dorre, gerla bide,

 Arra-haurren «four crématoire»,

 Oi Lucifer, oi Lucifer!