Astekenean Pauen

Dagueri-Etchezaharreta

 1

 Astezkenean Pauen dugu afari on bat egina

 Mahain haundi batean emana jateko bat fina

 Hastapenean gazte gehienek zuten zangoa arina

 Bainan ondarrerat hainitzek zuten estomakan mina.

 2

 Hiruetan ogoi eta hameka gira mahainean jartzen

 Ordu berean omore ona da sala huntan sartzen

 Zeren guziak dira gogotik hasi finki kantatzen

 Bi beharriak kuxean zaizkit eskualdun airez hanpatzen.

 3

 Zaharrak eta ere gazteak alegeraz dute segitu

 Fandango ainitz emanik zeren ekarriak gintuen bi xixtu

 Gau on bat pasturik denak gira kontent erretiratu

 Eta etxerat heltzean dut oilarra kantuz aditu.