Duela mende laurden bat, marchoko egun batez

 1

 Duela mende laurden bat, marchoko egun batez,

 Jauna, egin izan zira, Baigorriarren apez:

 Geroztik zure kargua kontzientziaz bethez,

 Hemen zaude eta egonen, oraino luzaz arabez.

 2

 Ez daukagu ahanzteko egun balios hura:

 Zu baino arzain hoberik etzitaiken eskura.

 Beti izan duzu gutaz saminki arrangura,

 Bidea chuchen emanez hel gaitezen zerura.

 3

 Kapablea den gizona obretarik ageri:

 Zer laneko karra ere etzinuen ekarri.

 Artegian egin duzu zombait zombait lan berri,

 Zombat gisaz aberastu zurekin Baigorry.

 4

 Eginbideak artoski bethe nahiz zabilza,

 Artaldeaz artha duen arzain onaren gisa;

 Etzizaikizun ez aski othoitza eta hitza:

 Nola berriturik eman ez daukuzu Eliza?

 5

 Oylandoroyko kapera, zure arzain Etchola,

 Ohartu zinen lurrean eroririk zagola;

 Hura ere eman duzu denek dakigu nola,

 Gure uzten beirazaile leialki so dagola.

 6

 Lurreratu zenez geroz kapera maite hori,

 Horko beila baliosa horrekin zen erori:

 Orai berriz bagoazi urthe oroz beilari,

 Nor gure uzten geriza, galdatzeko Jaunari.

 7

 Serora gaichoak ere, bain beharrak herrian,

 Ginauzkanak egoitza on baten behar gorrian:

 Hoien ezarzea ere sartu zaizu burian

 Merechi zuten bezala beren Etche berrian.

 8

 Lan da zure obrak oro ezarzea lerroan:

 Horra hor berze Etche bat, seroratei-ondoan

 Nechkatontzat zuk egina, zerbait haundi gogoan

 Hor ikasiko zutela Etchekanderegoan.

 9

 Bil-Etche maitea ere, zuk emana da chutik:

 Gaztentzat beharragorik herrian etzen deusik;

 Ez ginakien non josta, non erabil solasik;

 Orai badugu hautua, hau dugunaz geroztik.

 10

 Oraino zertan ez duzu gutaz hartu achola,

 Jaunaren erakaspena ez galzeko nehola:

 Burrasok beren hautua, egiten dute hola

 Zuk eginik mutikontzat giristino eskola.

 11

 Zer egin duzun etorriz geroz gure artera,

 Kondatzeko balitaike oraino sail ederra:

 Oilandoyn goiti eta Lesparzetik behera,

 Zuk berritu duzu ere Urdozeko kapera.

 12

 Zure obren kantatzea ez daukuzu galdegin:

 Geiago egin dukezu, bainan orok ez jakin:

 Badakizia oraino zer ginuken atsegin?

 Luzaz gure arzain gisa, egon zaiten Baigorrin.