Donibane-Lohizune: ikastolak hogoi urte

 1

 Lehen bertsuan erabili dut

 irudizko parabola

 erakusteko nola sortu zen

 Donibanen ikastola

 hogoi urtetan hazi ttikia

 bilakatu da arbola

 buraso eta erakasleen

 lan gaitzari zor zaiola

 ezin ahantzi nehundik ere

 laguntzaileen axola.

 2

 Arbola honek iragan ditu

 hogoi negu eta uda

 bere denboran jasanak ere

 bizitzeko hainbat guda

 guk ere urte gogor hoietan

 ukan dugu frango duda

 egina izan den lan ikusiz

 gaur hemen nola ez lauda

 zuen guzien laguntza hori

 ezkertzeko ordua da.