Deus
1
Hainitz zorok munduan daukute erraiten
Deusetarik ez dela deus ere egiten.
Hekien traufatzeko hasten naiz kantatzen,
Jostatuz, ez deusetaz bertsu pollit ontzen.
2
Deus-ez errexagorik! Beha bazterretan:
Deus ez zuten zonbatek ez dute bet-betan
Beren moltsa hanpatu sal-erospenetan?
Miliunak dituzte kobratu deusetan.
3
Nik bertsuak eginez ez badut deus biltzen,
Ez dut ere ordainez deus dirurik galtzen.
Ez-deus baten omena badautet famatzen,
Ez naiz deus horren gatik hasiko griņatzen.
4
Bainan nehork ez daki deuseren berririk.
Bertsu hauk izan daizke ongi ikusirik
Eta jujen eskutik berdin primaturik
Gerta ote lakiket deus goxoagorik?
5
Prima balitz enetzat eskualdun makila
Edo untza-urhea, zauzte enekila
Jainkoari eskerka zuzen den bezala,
Deusetaz etsitzeko dretxorik ez dela.
6
Finitzen dut, ez baitut bertze deus buruan.
Hanbat gaixto ez badut deus onik bertsuan.
Deus gaixtorik bederen ez dut hemen erran.
Ez-deus horrek uzten nau trankil bihotzean.
7
Hitz hauiek ez dutela balio deus ere?
Alabainan deusetaz eginak dirade.
Ez zena hori bera ene lehen xede?
Deus gaztigurik ez dut merexi bedere.