Herriari
Curutchet, Jony
1
Zure seme alabek agur Ezteinzubi
Zutarik urrundurik badugu aspaldi
Hal'ere etzaitugu nehoize ahantzi
Zuri pentsatu gabe ez gaitezke bizi.
2
Guk zu utziz geroztik juan dira egunak
Ondoan jacan tugu plazer eta penak
Orhoit atxiki ere derauku gogoak
Nigarretan utziko aurride, ait-amak.
3
Behobin hasi eta zu Baxanabarre
Pagaltzeta ta gero Ezterengibele
Karrikan plazaņo bat ber'eliza alde
Lehen bezala orai zaituztegu maite.
4
Gu hazi gaitutzuen Ait'ama maiteak
Zer ote dira zuek guretzat jasanak
Haunditu zauzkularik orai guhaun haurrak
Kusi tugu zer ziren zuer eman penak.
5
Nonbrean gaitutzue altxatu oneski
Zonbat nekaturikan Jainkoak badaki
Haundi arau bezala urruntzen ikusi
Etxean bizitzeko bat zelakotz aski.
6
Etxean egon zaizten anai ta arrebak
Onhart-zkitzue egun gure mileskerrak
Apaindu ditutzue etxe ala bordak
Gu gatik gal zitazken lurrak eta obrak.
7
Iloba maiteņoak orhoit guk erranik
Behar gabe ez hartu kanpoko biderik
Sort-etxea maitatuz atxik hura xutik
Munduan ez baitaike bertze bat hoberik.
8
Euskalduna baitzira zu Ezterenzubi
Zuek gazte maiteak beti leial segi
Euskara maita eta izan zerbitzari
Berriz libre ikusi artino Euskadi.
9
Bizi beharrak gintin ekarri hoin urrun
Hortakotz baigira gu Amerikan egun
Hazi giren bezala bihotza euskaldun
Besarkada bat denek gaur eman dezagun.
10
Ezterenzubi zutan da gure amentsa
Zu uztean eritu baitzaikun bihotza
Herri maitia orhoit zaite huntaz ontsa
Zureak gira galdu arte azken hatsa.
