Zabalo Nordaleko eskualdunen omonierari

Curutchet, Jean-Pierre

 1

 Loa arintzen zaio haur gaztettoari

 Preparatzen denean urrun joaiteari;

 Hala-nola gertatzen jende handiari

 Gostu-tokia deika zaionean ari.

 2

 Oi ezin ahantzizko egun eder hua!

 Apez, mera, dantzari, kantari moltzoa!

 Heleta baitzinuen lagun hautatua,

 Eskerrez izan zaite gutaz laudatua.

 3

 Kantari dantzarien bestaren loria!

 Ambaras-ek izan du inharros-aldia!

 Nork asma gu guzien hango omoria!

 Ambaras zait gogoan barna ezarria!

 4

 Onhar denen eskerrak oraiko aldian.

 Egon eskual fedean lanjerren erdian.

 Zoin goxo aurkitzea zuen konpainian!

 Gu prest gare jiteko nai duzuenian.