Amodioaren zirta

Chimun

 1

 Ilhuna urrandua, baratze batean:

 Ikuska nindabilan loreen artean:

 Baten distirak joiten nau begitartean;

 Bihotzean sartu zaut orduan berean.

 2

 - «Ez nauke urbiltzetik ni zure aurrera:

 Pare gabea zira, arrosa ederra!

 Amodioak pusan zu ganat nakarra.

 Ez ahal zuk ordainez bihotza gogorra?»

 3

 - «Ez, ez, maite eztia! Hau dut atsegina!

 Gizon gazte leiala, Jainkoak egina!

 Oso hunkirik nago ni berdin-berdina.

 Bizikotz zurea naiz amodioz ina»

 4

 - «Iduzkia iduri ene aintzinean,

 Izarren pare zira gauaz ilhunean.

 Biak berdin lorios elgarren aldean.

 Urusagorik izan daikea munduan?»

 5

 - «Leku gocho, amoros bien baratzea.

 Zu ganak urbildurik uros dut bizia.

 zure bihotza ene ganik urruntzea

 Laike, maitea, ene maluros hiltzea!

 6

 - «Ene tzar ederra, zira charmagarri,

 Osoki hitz-emanik bethikotz elgarri,

 Bihotzez maitatua, amodioz irri....

 Jainkoaren graziak gu bien lokarri»

 7

 Urte baten buruan, baratze berean:

 - «Maitea, zorigaitzez, gira lanjerrean:

 Armada oihuz dago ene beharrean.

 Gauza izigarria gu bien aurrean!»

 8

 Pott bat in diot eta berriz «ikus arte»,

 Etsai bortitzer buruz gudua da haste.

 Aurpegia ilhun ta gogoa dut triste:

 Ene maite pollita ebatsiren dute.

 9

 Ederieren ondotik jiten da ekatiza.

 Ene izar ederra, hau da zorigaitza!

 Zu ganik urrundurik urtua bihotza.

 Atchikazu fedea ta zure agintza.

 10

 Bizia salbatu dut egonikan gordez

 Gaindituak baiginen etsaien indarrez.

 Biziaz etsitua, hustua nigarrez,

 Maitea berriz ere ez ikus beldurrez.