Ameriketarik
Chimun
1
Gure burua zarriz zeruetan goiti,
Laguna zartzen dugu debrutan beheiti:
Bihotza sumindurik, begia bekaizti;
Eleak murritz berdin, ikustate guti...
Kofesatuak gira: galtezen gonberti!
2
Orai gure kusia Amerikan dago:
Gazte leial ta uros, moltsa dauka sendo:
Kusirik eskualduntsak gogor eta mando,
Pello Begigorria ere hor esklabo,
Baten meneko baino hobe du donado.
3
Beti gorago behar Jaun handiekilan;
Ttipi hok handi nahiz ibiltzen dugu lan:
Gaichtakeria usu bihotzean alhan:
Orai ahalgetan gu, errekaren zolan,
Urguluak emanik aphoaren salan!
4
Ethorria zenean maiatz ingurua,
Gerezi martchantari hor moko mirua!
Makina erosteko ekarzu dirua...
Bertzen lerroan nahi! Gure urgulua
Guziak jakin dute: aphal guk burua!
5
Presentatu izan ga kontseilari gisa:
Ezaguturik gizon kiskil eta hitsa,
Bozkatzetan guziek guri errefusa...
Orai gure buŕua azpitikan pusa:
Onhartu gaituzte ba, eman-eta sosa!
6
Bardako ametsari huntan akabantza:
Kofesatu andoan garbi da bihotza;
Herioak ichillk oro geramatza;
Presta gaiten ongi ta dugun esperantza:
zeru ederrenean bakean egoitza.