Urte hun
Chibero, Pette
1
Agur, adixkidiak, Jinkuak urte hun,
Bakia mundü huntan, zelia hil ondun.
Izan gitian beti orotan Uskaldun,
Ez üken izen hortaz ahalkerik nihun.
2
Berekin urte hunek zer deikün ekarten,
Jinkuak berak daki, ta, eztü erraiten!
Bena behar duguna beti du emaiten;
Ez dutu bere haurrak sekülan ahazten.
3
Txurier du eskentzen beren hazkürria,
Suñetako ederrez beztitzen lilia.
Azkar liken dezagün gük ere fedia,
Egün oroz deiküla emanen ogia.
4
Huna gure ametsa urtatse gaziez
Huntarzünak ditugu galtatzen bihotzez,
Osagarri azkar bat, nahigaberik ez,
Irus izan gitian lüzeki bizitzez.
5
Mündüko huntarzünez beti aiher gira.
Ata bertan horra da plazerren bazterra.
Denak ukenik ere beltz lizate lürra...
Heben egoitekotan eginik ezkira...