Jaun kargudun handi bat badugu berria
Chetre
I
Jaun kargudun handi bat badugu berria
Ongi goratzen Hazparne herria
Herritar Louis Madré ohoragarria.
Conseil jeneraleko dugu ezarria.
II
Adinez gazte gatik eskolaz, jakintsun
On dena agertzeko hurbil ala urrun
Kantonamendu batek holako bat lagun
Sokhorri handia du delarik behardun.
III
Guziak eman dugu gogo onez boza
Jaun ala anderiek zabalik bihotza
Ahoan zutelarik orok ber solasa
Orai ere badugu gizon baliosa.
IV
Jokolari ederra zirade pilotan
Onhest eta zuzena agertzen plazetan
Bardin bardina zira bertze aferetan
Ongi poroatua obra guzietan
V
Kargudunak ardura badira Hazparnen
Orai ere hala da goraki erranen
Bilkhuretan baituzu etsenplu emanen
Lekhuko fama ona duzu handituren.
VI
Gure boza zuretzat izanen da bethi
Gure gogoak ez du beretzerikan nahi
Edo zoin kargutarat bazinete atrebi
Konfidentziarekin: zure zerbitzari.