Soldado kantua
Charles (Iholdiarra)
1
Herritik urrunduak, adina hobendun,
Armadetan o zonbat soldado eskualdun!
Hemezortz' ilabethez, nola hainitz lagun,
Atzo triche, alegera egun:
Killa ez da urrun,
Zonbait pint' arno hun
Kantuz huts ditzagun !
Errepika
Zato, zato, killa !
Hunarat jinez geroz zu nahiz nabila!
Zatho ene billa !
Eman dezatan ene arropa Ğzibilağ!
Ez gainten Ğrampilağ:
Hemengo denbora zer gauza inutila!
Kazerna barnian
Etsitua nian,
Bertzeren menian...
Goazin azkenian,
Libro girenian,
Killa-egunian!
2
Aintzindari zar batzu, sarjant eta bertze,
Besoan duztelakotz bi oihal kurutze,
Badute larderia, oi zonbat oinhartze,
Zonbat oihu, presondeian sartze.
Orai ez da luze:
Killa dugu horche
Aspaldian hartze!
3
Permisionetaz kanpo larunbat-eguna,
Bere Ğrevueğendako egunik charrena!
Presondegirateko bide laburrena:
Hau duk falta, hori duk, zikina!
Oi zer atsegina!
Hurbil dugu jina
Killaren eguna!
4
Jateko zarra eta denetik eskasa,
Ikasi guk bizitzen, ikasi farntsesa!
Orai zuen aldi da, guardia har ontsa!
Urthe t'erdi pasa,
Martchak egin, guardia har ontsa!
Urthe t'erdi pasa.
Jinen zautzi aisa
Killaren amentsa!
5
Nun zaizte, Uztaritze, Banka ta Iholdi,
Senpere, Ahazparne eta Makea, hi?
Zuetarik gaituzte urrundu aspaldi,
Ibiltzeko desertuan gaindi:
Zonbat unha-aldi,
Bero ta izerdi!
Killa dugu nahi!
6
Bethi gerla ustean denbora badua:
Bainan nundik da lota eskual soldadua?
Jinen gaituzu berriz, delarik ordua
Garharitzerat etsaien gudua.
Kechu da mundua;
Bainan populua
Ongi da zaindua!