"Miss"-keta

Chapatero

 1

 «Miss» bat behar dugula,

 berri, berri, berria,

 Igandean hautatu,

 jin da berria!

 2

 Nor den juje jarriko,

 hauche, hauche da lana!

 Jaun ertorak ez nahiz,

 zuhaur, jaun mera!

 3

 Nor ditugun «miss» gaiak,

 chilar, chilar, chilarrak,

 Ikas beza gu ganik

 juje beharrak.

 4

 Latsaldeko zubia

 mako, mako, makoa,

 Ameli-ren sudurra

 bezalakoa.

 5

 Elizako dorrea

 zorro, zorro, zorrotza:

 Polina-ren mihia

 ai zer orratza!

 6

 Nagoz bethe zakua

 konkor, konkor, konkorra:

 Justina-ren bizkarra

 opil makurra!

 7

 Meriako orena

 errun, errun, errunda:

 Koletaren begia

 orga-erroda!

 8

 Eskalapoin-muthurra

 chut-chut, chut-chut, chut-chuta!

 Birjita-ren kokotsa

 kefa da hutsa!

 9

 Su-gainetik padera

 pinpa, pinpa, pinpaka:

 Leontina edan-ta

 berdin azanz-ka!

 10

 Dotzen-erdi hortarik,

 nola, nola, nola ba,

 Hautatuko Jaun merak

 «miss» bat propia?