Donadoren Arrangura
Chanto, Juanes
1
Ispirituan ba dauzkat zonbait arrangura
Ezagutza berri bat buruan daukat ardura;
Sendimendu on-bati eman banezo ixura
Plaxenki mintzatzeko banuke bonurra.
2
Adinak oro ezdira berdin estimatzen
Ezagutza ez delakoz ber-denboran jiten;
Izpiritu zuzen bati beti segi gaiten
Eta kuraje sano batek erakusten dauku bizitzen.
3
Gazte denean ezbada hartzen ezagutza
Komuzki jiten da ondorio bat hitsa;
Legun presentatzeko larrua dauka latza
Horgatik amodioz maitatzeko segurra du bihotza.
4
Airean ibiltzen gira xoriak bezala
Lagunkatua ez-denak, galtzen du bere axola;
Denbora pasatzen zaio hutsa eta ixila
Pausatzeko ez badu hartzen zoinatua den kaiola.
5
Kaiola horrek ere badu bere arrangura
Barnean desiratzen du xori kantari luma ederra
Eztiki maltsatuz geroz jinen zauku eskura
Eta huntan zerratzen du donadoaren arrangura.