Emaztea

Celaya, Andoni

 1

 Zoragarria zeran

 Emazte kuttuna.

 Sarritan arrazoia

 Ukatu zaizuna.

 Gizonan haundikeriz

 Sufritzen dezuna

 Atsegin da oinaze

 Bizitza astuna.

 Zautzaz ohartzen nahiz

 Gaur bihotz biguna.

 2

 Hitz goxoen artean

 Iziltzen zaituzte

 Askotan gaiztakeriz

 Amodio eske

 Errespetoa beintzat

 Merezi dezute

 Zure bihotzen dagon

 Maitasun birtute

 Neretzat lagun zera

 Neretzat emazte.

 3

 Mundura sortu eta

 Lenengo pausoa

 Bitxi politak jantzi

 Maitasun usoa

 Maltzurkeri gabeko

 Hain lili goxoa

 Haurtzarotik emazte

 Gero gurasoa

 Poza ta nahigabea

 Dakarren sexoa.

 4

 Nork ez dizu emanen

 Maitasun argia

 Ilunpetan zabalik

 Dagoen begia

 Zurea da gorputza

 Odol haragia

 Bihotz gogor guztien

 Samin jauregia

 Munduan erakutsi

 Zure aurpegia.

 5

 Emazte hartzen zaitut

 Gauz denen gainetik

 Askatasuna maite

 Dezu bihotzetik

 Erten nahi-eta ezin

 Esklabon mundutik

 Etorkizuna bada

 Nahiz bide estutik

 Zure borroka duzu

 Ebakume zutik.

 6

 Esan beharrik ez da

 Horra nola zauden

 Argi bat piztu asmoz

 Zenbait erakunde

 Bideak urratuaz

 Esperantza gorde

 Konzientzi gabeko

 Gizadiai alde

 Errua nun dagoen

 Kondairari galde.

 7

 Euskera bezelaxe

 Emazte kalera

 Etxean egoteko

 Sortua etzera

 Gizonaren pareko

 Talentuz bazera

 Nahiz da marginatu

 Zuk beti aurrera

 Matxismoan irriak

 Ixilduko dira.

 8

 Sorginak akelarren

 Ipuin eta dantzak

 Eskubidean bila

 Dabiltzan bildotsak

 Etzaitu ikeratzen

 Gau erdiko hotsak

 Zurea da mundua

 Ta ez egon lotsak

 Behar dezun garaian

 Erakutsi hortzak.

 9

 Burrukaren argia

 Hitzaren zentzua

 Burua altxa naian

 Emazte zintzua

 Maitale iraunkorra

 Etzera izua

 Irripar ta solasak

 Oi zure mintzua

 Bihotzez eskainiak

 Hau azken bertsua.