Amets-herria
Camoussarry, J.-P.
1
- Atzar hadi; pottolo, neure muttikoa,
Hire ama zenaren atsegin osoa!
Zer tuk nigar horiek, inharrosiz loa?
Aitak besarkatzen hau, oi seme gaichoa!
2
- Amets-herria nehoiz ez dut ahantziko,
Dena arrosa eta hegaztin urhezko!
Hantchet amatto ere dohatsua dago:
Besotarat hurbildu nahizan nizako!
3
Bildoch kapa churiak denetan ihaurri;
Goareak musikan mendi-haizeari...
Amak keinu egin daut, eta ni atzarri...
Zer pena, histu baitzait amets eder hori!
4
- Haurra, nik ere gaua han diat ereman,
Ibai saindua hurbil, lilien artean...
Uhain urdinak segur gochoak zituan;
Bainan Amets-herrirat ezin nauk iragan!
5
Aita, zer ari gare uraz hunaindian,
Bethl gogoa ilhun, bethi beldurrean?
Hobe ginuke, hobe, izarren bidean,
Neure gau hauietako ametsen herrian!