Geroari buruz
B.S.
1
Arno edanaren bortchaz
penak ahanzten dira.
Eskual-herrian badugu
gure «gaicho» bedera.
Gogoa eskapatzen zaut
neurearen etchera.
Mathilda, zure othoitza
igor-azu hunara.
2
Algeria, zoin den urrun,
maitea, zure ganik.
Ainhara banintz, zer besta
egin behar nuken nik!
Mendi eta itsasoak
hegalez iraganik,
Zure sorbaldan jar nainte,
kokoriko emanik.
3
Ene sorbalda, Jakobe,
ez da chori-pausada.
Gure baratze haundian
arbola frango bada.
Baten pean ez duguia
elgar mintzatu jada?
Hitza hitz, eta osoki
zure dago Mathilda.
4
Zu ere arbola zira,
mertchika churi-gorri.
Bihotz garbi, gogo garbi,
ikusten zitut churi.
Herabez matel horiek
gorringoak iduri...
Ainhara lot lakioke
arbola maite horri!
5
Larunbat goizalde batez,
eliza lanpa-pean,
Erhaztuna nik derautzut
ezarriko erhian...
Algeriako hedoiak
begotzi Algerian,
Zu, eue Argi laguna,
jalgiko zirenean.
|