Heletako ferietan

B.D.

 1

 Heletako ferietan

 Iragan larunbatean

 Bide-nausi bazterretan

 Mila auto bi lerrotan

 Han gertatu niz lanetan

 Ezin sar feria-plazan.

 2

 Bide-nausia hertxia

 Eta bestalde gainera

 Beribilek ausikia

 Haren hertxitik erdia

 Jin bedi bat aintzinera

 Han nintazke kokatua.

 3

 Kamiun bat aintzinean

 Bizpahiru gibelean

 Auto ttipiak artean

 Hor gira saltsa betean

 Ala feria denboran

 Egon behar hor betean?

 4

 Autozainak jausten dira

 Kexu-kexua bidera

 Zertan diren ikustera

 Hatik xantza gurekin da

 Kaxketadunik ez baita

 Bihi bat jin poxotura!

 5

 Ateka gaixto hortarik

 Jali oren bat emanik

 Feria utzi dut goizik

 Bainuen aski beldurrik

 Izanen zenetz librorik

 Etxerateko biderik.

 6

 Beldur hori alferrik zen

 Bestena enea bezen

 Beribilak joanak ziren

 Bide-nausia hutsa zen

 Heien beharrik ez baitzen

 Bidaltzaleak han ziren.