Ganixen Balentria
B.D.
1
Makea izana da
Orotan aipatua
Iragan mende hortan
Don Carlos-en denboran.
2
Makea, Makea,
Altxa-zazu burua.
Ferdinan erregeak
Hautsi ditu legeak.
Errege sartu nahi
Don Carlos gerlan hasi.
3
Makea, Makea,
Maita beti bakea.
Don Carlos-en nahia
Berekin izaitea
Erregina andrea
Beiratiar printzesa.
4
Makea, Makea,
Haren laguntzailea.
Muga hori noiz igan?
Baditake aski lan!
Ez izan beldurrikan:
Ganix nausi da hortan.
5
Makea, Makea,
Lagundu herritarra.
Burrunba kapitaina
Mugazainen burua
Hor dabil erhotua
Nun gorde den Andrea.
6
Makea, Makea,
Ihes-leku segura.
Nun dire mugazainak?
Ganixek ta Andreak
Igan dituzte urak
Eta mendi-mazelak.
7
Makea, Makea,
Mugari zer tiroa!
Ganixen balentria
Munduan da hedatu.
Hargatik Ganix ona
Gabezian zahartu
8
Ez dea, ez dea
Bihotz onen zortea?
|