Amodioa
B.D.
1
Negu beltza delarik munduan hedatzen
Elur-jauntzi xuriak kanpoa estaltzen
Ilundura bat dugu barnean senditzen
Eta uda-berriaz ametsa egiten.
2
Flakezia denean gorputzaz jabetzen
Indarra zaukularik apur bat ttipitzen
Handik laster odola balinbada hozten
Adinean dohana gazteaz jelosten.
3
Amodioaz berdin dezakegu erran.
Berri delarik eta bero kartsu hartan
Betikoa daitela nola ez hitzeman?
Hil behar ez bailuke, lehen makurrean!
4
Zuri mintzo nitzaizu, Beiratar printzesa
Ene biziko lagun ezkontzak egina.
Jauregi handietan usatua zira
Aiseria guziak zuretako dira.
5
Lege makurrak ezin nehola jasanez
Ene hartze zuzenak enetu beharrez
Lotu behar izan dut harma ta indarrez...
Nola zaitut, maitea, aseko plazerrez?
6
Don Carlos ene lagun, ezkontzaz hartua,
Ezkontza lehen dela, bai-ta amodioa
Hitzemana derautzut, egina dut zina
Zorigaitzean ere, ni beti zurea.
7
Jauregi ederretan, nute altxatua,
Zerbitzari hanitzek arras gastatua.
Oraitik sekulakotz ene jauregia
Izanen da, don Carlos, zure maitatzea.
8
Amodioa eder da, jende gazteetan
Hainitzez ederrago, xaharren artean
Errexki hazten bada, urte lañoetan
Bore osatzea du, egun gaixtoetan.