Bakotxak beretik
Bozkatzailea
1
Eskual-Herriaz baita Parise egarri,
Udatiarrak dauzkigu igortzen ihauri,
Bainan gure gazteak ditu biltzen ari,
Beti trabak ezarriz hemengo lanari:
Ez gida hoin maltzurki jokatzen denari!
2
Holaxet herri hainitz dira usten asi,
Nehore lanik gabe ez ditake bizi.
Eskualduna joan da etxetik ihesi...
Zonbat nigar ta pena ote du iretsi?
Ikusleak bakarrik dezake sinetsi.
3
Eskualduna, Parisen, delarik mintzatzen,
Nehork ez omen dio, biziki behatzen...
Gauz huni ahal gira guziak ohartzen
Gutaz dela Parise aspaldi trufatzan,
Eta ongi direla gutaz baliatzen.
4
Azkarrak duenian partida flakoa
Auzia norena den, erran gabe doa...
Holako legea da gizonen jokoa:
Haundiek ukaitea ttipien gakoa
Kontent ez direneri hesteko mokoa.
5
Noiz izanen ote da lege bat zuzena
Gizoner balioa emanen duena?
Izan Betroin, Espaņol, Frantess, Alemana,
Portuges, Alzaziano edo Eskualduna,
Denek ukan dezaten estimu berdina!...
6
Ainitz menbrorekin da egiten gorputza,
Menbro guziek berdin sustengu bihotza.
Europa einen dela dugu esperantza:
Eskualdunek dezagun eman gure botza
Europan izan dezan Euskadik egoitza.
7
Europa egitea denen lana baita,
Gizon bakar batentzat sobera bokata!
Gauza berari denak gaude pentsaketa:
Hortarakotz dezagun, idaia bat hauta,
Eskual-Herrian orok bozkatuz ENBATA.