Hemezortzirako gerlako kantuak
Bortxazkoa
1
Ene izpiritua hasi da pentsatzen
Gizonaren bizia zer heinetan den
Egia ez da errex esplikatzea xuxen
Injustizia ainitz baitut ezagutzen
Gu hemen higatzen
Elgarren xahutzen
Bat bertzearen hiltzen
Odola ixurtzen
Aberatsa urrundik irriz asetzen (bis).
2
Hemeretzi ehun ta hamalaugarrena
Aboztu ilabete lehen eguna
Europako gerla bat jin izan zaukuna
Frantzian azkar ginen bazela zuzena
Legea emana
Denentzat bardina
Zerbitzuk-on dena
Biltzeko ordena
Bainan espakatzen da diru duena.
3
Partitu ginen beraz guziak herritik
Gure familietan penak utzirik
Haur ttipi zenbaitekin andreak bakarrik
Ama penatua hor ez da dudarik
Orduaz geroztik
Dabilanak xutik
Zerbait ikusten dik
Penaren partetik
Hilak bere konduak emanen ditik (bis).
4
Zerbait gizon alferren kaprizaren gatik
Jende miserableak pekatzen ditik
Hainitzek ez diaguk ardit baten lurrik
Bertzenaren beiratzen gabiltzak bakarrik
Aberatsetarik
Hainitzak segurik
Urrunduak sutik
Beldurraren gatik
Pobreak hiltzen ari heien manutik (bis).
5
Izpiritu duenak aise du pentsatzen
Gure diferentzia zain haundia den
Haundiak ari dira ttipien manatzen
Pobrearen indarrez galoinez betetzen
Ohorez haunditzen
Medelaz estaltzen
Diruaren biltzen
Intresen doblatzen
Gu heiek manaturik elgarren hiltzen (bis).
6
Gerla hunen hastetik segitu duenak
Badaki seurki zer diren penak
Zenbait trixtatzen ditu aitamen xangrinak
Bertze batzu lotsatzen andre ta haurrenak
Penatua denak
Berak ere lanak
Gau eta egunak
Hirriskutan denak
Baduke kondatzeko hiltzen ez denak (bis).
7
Zenbat amaren serre colorez haziak
Hemen uzten dituzten beren biziak
Iņorantzia batean hunat etorriak
Zenbaitendako plazer nigar-ingarriak
Her dira guziak
Partez estaliak
Inozent trixtiak
Odolez betiak
Zenbait alferren gatik hoiek guziak (bis)