Urguluaz

Bortuko Aitatchi

 1

 Arraintzari bat zohan argia hastean.

 Egun hortan fortuna on egin ustean

 Arrainak ikhusirik erreka batean,

 Amua emaiten du arrainen artean.

 2

 Arrainak amuari oharturik laster,

 Inguruka zabiltzan eskuin eta ezker;

 Zerbaitez jelosturik, batek dio bester:

 Hor bada zerbait lanjer, bazter gaiten bazter

 3

 Oraino kontseilu bat du bester emaiten:

 Amu traidore bat da; hortik urrunt gaiten,

 Nun nahi lanjer,anhitz baita iragaiten,

 Gure eremuetan erne egon gaiten

 4

 Beste arrain batek hor, dio bazterretik:

 Gaicho enuchenta hik deusere eztatik,

 Bazka on bat duk eta itchur ederra dik:

 Iretsiko diat nik, kili-mili-ta klik.

 5

 Arrainak zuen beraz ausikian hartu,

 Bainan amu zorrotza han numbaitik sarthu:

 Arraintzariak zuen bereganat bildu.

 Bestez trufatzen denak hala izaiten du.

 6

 Urguluan sartzea, zer itsumendua:

 Horrek du bethidanik, makhurtzen mundua

 Gaizkia izanen da noizbait chuchendua

 Chuchenki izanen du nork bere khundua.