Koblari eta khantari

Bortuko Aitatchi

 1

 «Herriaren» medioz daukute aiphatzen,

 Ez dela koblaririk geihago agertzen:

 Udako lan dorpeek dituzte nekhatzen,

 Oraiko histura hau horrek du ekhartzen.

 2

 Koblarien dohaina Jainkoak emana;

 Behin hartu sailean dohatzi aintzina:

 Zahar gazten loria hor dute egina,

 Bester adi araziz nor-berak dakina.

 3

 Khantaria denaren khantuzko gustua,

 Amaren besoetan du haurrak hartua:

 Bulharrak churgaturik khasik lokhartua.

 Amaren botz eztiaz dago choratua.

 4

 Batzu pilotan eta beste batzu khantuz,

 Zer bozkarioa den, onheski jostatuz.

 Jainkoak eman gaitu zeruari buruz,

 Ez du deus irabazten gizonak urguluz.

 5

 Fededun gisa elgar sustenga dezagun,

 Urostasuna nun den ez dea ezagun?

 Josteta galgarriak urrun, utz ditzagun!

 Arbasoen usaiak begira ditzagun.