Sokraten hiltzea...
Borda, Itxaro
1
Ekaldeko zeruan eguzkia sartzen,
Gauak bere iluna lurrari ezartzen,
Greziako zaldunak emeki atzartzen,
Untzia heriotzak Delostik ekartzen...
2
Argi zirrintan urrun ortzaiza ikusten,
Itsasoko gaziak lora sapaz husten,
Kartzelako gizonek kateak hor uzten,
Maixuak hitzez gero hura erakusten...
3
Batzuk tristura Zeus otoiztu beharrez,
Besteak Apolodor bezala negarrez;
Maixuak ase dela lehengo aharrez
Kosmogonia degi asmakin zaharrez...
4
Batek urrezko zige kalitza ekarri,
Maixua haraindiaz beteaz egarri;
Dizipulu bakaitzak so egin elgarri,
Maixuak edan eta ur hegian jarri...
5
Hotzak gorputza hartzen heriotz zoroan,
Arimak lau tartaren ibaien gozoan;
Hiltzea ezer ez da, hiltzea osoan
Bizitzari azkena eskaini ondoan...