inprimatu
Emakumeak bertsolari saila (II)
Izenburua:
Emakumeak bertsolari saila (II)
Sinadura:
Borda, Itxaro
Urkizaren iruzkina:
Egilea(k):
Borda, Itxaro

Argitalpena:
Zeruko Argia.
Urtea:
1978
Argitalpenaren urtea:
Alea:
773.zk.
Orrialdea:
40

 

 

 

 

faksimilea ikusteko


Emakumeak bertsolari saila (II)

 

Borda, Itxaro

 

 Asko maite dut Euskal Herrian deitua dena Bizkaia

 Gernikan lerden dagolakoan askapenaren ekaia

 Egun pozetan kantatuko dut senditzen dudan alaia

 Agurtu nahiz andere LIBE, baztertuz erdar etsaia...

 

 Esaten duzu bertsolaritan emazte, naizela bakar

 Andere Libe zurekin orain biga gara, beraz azkar

 Euskal Herriko bi ezkinetan jendea ez dadin lokar

 Gure solasak agian haize goxoa gizoner dakar.

 

 Agian ere gure bertsoak ez dira sortu debalde

 Ezin biziz ta ez hil nahian gaude behari ekalde

 Hitz batzuekin finka dezagun lorea, maitasun galde

 Emazte gizon zutituko bait gara euskadiren alde

 

 Emakumea, guk emaztea, izenaz deitzen duguna

 Askaturikan gizartean da baitezpadako laguna

 Klase gabeko mundu berria ez bada solas laguna

 Hasiko gara bertso emaiten idurikatuz eguna!

 

 Hego aldera banoan aldi guziez nago pozetan

 Toki ederrak badira segur bidearen bazterretan

 Pentse berdeak, etxe xuriak, iratze ta belar metan

 Baina zorigaitz ezin iragan herrittoen bihotzetan...

 

 Egun batean usos naizu BASAURRI-n bertso kantatzen

 Horgo ditudan adiskideer esku diotet luzatzen

 Amikuzetik euskal herrira maitasuna dut hedatzen

 Eta badakit oraindik ere ari dala emendatzen.

 

 Euskal Herria jadanik dugu heriotik salbatua

 Eguneroko harremanetan dugulako hautatua

 Ipar aldean eta hegoan euskal hitzkuntza batua;

 Andere Libe, anartean naiz nerean solastua...

 

 Arrotz ustelak tratu faltsoez gaitu betiko uzkurtu

 Gure sinesmen zaharrak ere bere aldera makurtu

 Baina gaur egun euskal herriko min gaixtoak diten urtu

 Beharko dugu mozten gaituen muga nolazpeit apurtu!

 

 Azken bertsoan, andere Libe bihotz barnetikan agur

 Emakumetan bertsolaria bakarra ez nago, segur

 Laguntzat zaitut ezezaguna baina ez bait noa zuhur

 Nik ere dio, "eskubideak emakumeari bihur..."

 


inprimatu