Donapaleun lehen maila ez dugu hetsiko

Borda, Itxaro

 Zaineten irakitzen ari da odola

 Ez dakigu oraindik epelaraz nola

 Egia gure baitan esperantz dagola.

 Donapaleun bait dugu umen ikastola.

 Amikuzen jendea etsiturik zagon

 Alkarreri euskaraz ez zion "egun on"!

 Arrotzari lotuak emazte te gizon

 "Beharko dugu jalgi" ahapez ginion...

 Udezken eder hartan soinu alai bazen

 Coria ere zoan gora Amikuzen

 Txalapartak mendien urrun ziren ozen

 Ikastola bat sortu zelarik Garruzen.

 Zein den gauza haundia horren ikustea

 Haurrak bere bizian erdara uztea

 Burraso, erakaslek dute sinestea

 Guk euskara horrela denek ikastea

 Aurtan ikastola da pollit emendatu

 Lehen mailekoa're bait dute altxatu

 Amikuzen laminik alai du kantatu

 "Horrela beher dugu euskara salbatu..."

 Joseba, Maite, Kaiet, Panpi, Santiana

 Ezin ditzazket denek deitu bana-bana

 Anderenoek, Yvette, Odette eta Jana

 Euskara zure alde daramate lana.

 Haur horien aurrean naiz ahalgegarri,

 Nere gogoan bait da ilun hotza jarri:

 Erdarak lepoan dit uztarri ezarri

 Nere erdalduntzea zait deitarragarri!

 Amaren eskutikan lasterka badoa

 Herri ikastolara pozetan haurtxoa

 Irria ezpainetan bihotzan goxoa

 Iduri airatzen den mendiko urtxoa

 Frantzes Lendakariak zeraukun agindu

 Laguntza izugarri baina fu egin du

 Ahoetan euskarak maitasunez mindu

 Umen irria bait da doi batez samindu.

 Beha gaur egun zer den gure bekatua

 Hortaz akademia dago nekatua

 Gure haurra euskaraz da eskolatua

 Hori digute atzo hek debekatua

 Ikastolaren bidez libra loretxoa

 Euskaraz mintzatzea de gure deretxoa...

 Arratza bildur dago bai zutaz haurtxoa

 Ikusten bait duzutan askapen urtxoa

 Aditu dugu gauaz eder harrabotsa,

 Haize garbiak duen maitasunko hatsa

 Derauku auhenean "euskaldun ez lotsa

 Segi ikastolekin kartsuki urhatsa..."