inprimatu
Bostgarren egunaren argi zirrintan, Sample'ri...
Izenburua:
Bostgarren egunaren argi zirrintan, Sample'ri...
Sinadura:
Borda, Itxaro
Urkizaren iruzkina:
Egilea(k):
Borda, Itxaro

Argitalpena:
Zeruko Argia.
Urtea:
1980
Argitalpenaren urtea:
Alea:
898.zk.
Orrialdea:
37

 

 

 

 

faksimilea ikusteko


Bostgarren egunaren argi zirrintan, Sample'ri

 

Borda, Itxaro

 

 Biek gora

 altxatu arren gure basoak

 zuretik edan dut,

 atseginik gabe.

 

 Alta nere ezpainak

 zure basoaren eskainera

 noizbait

 hurbildu dituzket eta

 maitatu zaitut.

 

 Nere izatea

 zure besoen beltzean

 galtzera utzi nuen.

 

 Gure bost egunetako zorionari

 pentsatzean

 nere begi biek sortu malkoak

 haizeak hormatzen ditu...

 

 Eguzkia jeiki aurreko

 argi zirrinta ahulak

 beldurgarriak dira,

 eta

 karrikan etxeen artean

 dabilan iparbeltz meheak

 aurpegia mozten dit...

 

 Altza zure besoa

 azken hurruparaino

 husten ahalko nuen.

 

 Emazteak, krudelak garela

 adiorik erran gabe partitzeko

 ohean bakar abandonaturik

 bere gorputz guziaz ikaran

 besarkatzen eta tinkatzen

 gaituen gizona!

 

 Ni ere biziak uzkurtu nau

 eta bostgarren egunaren argi

 zirrintan

 ihes ihes joan naiz...

 

 Ez dut nehoiz

 horrenbeste sufriarazi.

 Eta bostgarren egunaren argi

 zirrintan

 nire burua madarikatzen dut!

 


inprimatu