Begiratzen dut gogoan

Borda, Itxaro

 1

 Begiratzen dut gogoan

 Buruhunaren zokoan

 Etxe barneko usaina

 Amak goizik egin salda,

 Familiako mahaina

 Eta sukaldeko malda.

 2

 Begiratzen dut gogoan

 Orroitzapenen zoroan

 Bustia ezkaratzean:

 Aitaren tresnen balantza

 Zingar azpien atzean,

 Eta sagutxoen dantza.

 3

 Begiratzen dut gogoan

 Memoriaren gozoan

 Arin doan haize ona,

 Ogien uhain horia,

 Zeru urdinen sakona

 Eta arrosen loria!

 4

 Begiratzen dut gogan,

 Bizitza nola badoan,

 Nere herrikoen soa,

 Perla sortu izerdia,

 Ardoan galdu basoa

 Eta erran hitzerdia,

 5

 Begiratzen dut gogoan

 Azken beltzaren mokoan

 Haur nintzeneko denbora

 Oiheneko apartean;

 Nola lehen bedi lora

 Zorion bat gaur artean...