inprimatu
Aita Saindua Euskadin
Izenburua:
Aita Saindua Euskadin
Sinadura:
Borda, Itxaro
Urkizaren iruzkina:
Egilea(k):
Borda, Itxaro

Argitalpena:
Zeruko Argia.
Urtea:
1982
Argitalpenaren urtea:
Alea:
954.zk.
Orrialdea:
39

 

 

 

 

faksimilea ikusteko


Aita ASaindua Eusakdin

 

Borda, Itxaro

 

 Orain datozen bertso berriek

 gaia dute apaindua

 hemerezortzi zangorekin ez

 da kurutza hebaindua;

 betidanikan Euskal Herrian

 baita fedea zaindua

 merezi dugu Erromatikan

 jin dadin Aita saindua!

 

 Karol Wojtila izena duen

 Polonar gizon zakarrak

 sustatzen ditu gerla hotzeko

 sugar latz eta zaharrak,

 kapitaldunek ideia onak

 dituztelakoz bakarrak

 Mozkuren aurka derabilate

 elorritzeko laharrak...

 

 Varsovin ere tanke pizuek

 argitu baitzuten goiza

 kartzela dago Lech Walezaren

 udazkeneko egoitza,

 Erromatikan Aita Sainduak

 erraten du gero hitza

 Poloniarrei salba ditezen

 egin dezaten otoitza!

 

 Aste betean ibili zaigu

 ehun kardinalekilan

 Espainiako erreinuetan

 eta bazuen aski lan:

 Madril erdian Jaunkarlosekin,

 segidan airez Avilan

 milaka bildu jenden artean

 mitra buruan zabilan...

 

 Euskadi honek hain fededunak

 bisita zuen merezi

 Loiolan sortu Maki haren

 orroimena zagon gezi,

 Aitoren seme hauek guziek,

 urgulua ezin hezi

 bakea egin behar zutela

 entzutera joan ihesi!

 

 Denek dakite Espaini zolan

 datzala demokrazia

 eta «arrosek» indar berria

 dutela irabazia

 aita Sainduak eman diete

 sustenguaren grazia

 errez delako ezeztatzea

 ahar bizien hazia!

 

 Erroman dagon Aita Saindua

 beti indartsuen alde

 menperatuak dauden jendeen

 otoitzak beti debalde;

 kapitalisten botereari

 apal egiten du galde

 ez diezaion komunismarek

 zikindu bere artalde!

 

 Azken bertsoan aitor dezadan

 ez naizela horren lotsa

 denen argira errateko zein

 aldetan dutan bihotza:

 Aita Saindua ibiltzen dela

 bakea, gerla non goza

 kurutzarekin hautsi nahian

 burnizko igitai hotza...

 


inprimatu